У кастрычніку 2023 года стартаваў першы этап рэпетыцыйнага тэсціравання для падрыхтоўкі да цэнтралізаванага экзамену і цэнтралізаванага тэсціравання 2024 года. РТ пройдзе па 15 навучальных прадметах за курс агульнай сярэдняй адукацыі. Яго першы этап будзе праводзіцца з кастрычніка да снежня 2023 года. Другі запланаваны на студзень-люты 2024 года, трэці пройдзе з сакавіка па красавік 2024 года.

Пералік устаноў адукацыі, на базе якіх можна прайсці рэпетыцыйнае тэсціраванне, будзе размешчаны на сайце Рэспубліканскага інстытута кантролю ведаў пасля заключэння дагавораў. Кожны пункт правядзення тэсціравання вызначае свой графік правядзення і колькасць удзельнікаў рэпетыцыйнага тэсціравання па вучэбных прадметах.

Рэпетыцыйнае тэсціраванне дазваляе:

азнаёміцца з тэматыкай, тыпамі і формамі тэставых заданняў;
праверыць узровень ведаў на дадзеным этапе падрыхтоўкі па выбраных навучальных прадметах;
намеціць шляхі больш эфектыўнай падрыхтоўкі да іспытаў і ліквідацыі прабелаў у ведах па раней вывучаным матэрыяле;
набыць тэхнічныя навыкі і адпрацаваць тэхналогію запаўнення бланка адказаў;
псіхалагічна падрыхтавацца да маючых адбыцца выпускных і ўступных іспытаў.
Падрабязна аб стварэнні ўліковага запісу ў сістэме рэгістрацыі РТ, аўтарызацыі, афармленні заяўкі на ўдзел у РТ, а таксама аб тым, як аплаціць удзел у РТ, можна азнаёміцца ў "Памятцы ўдзельніку РТ", размешчанай на сайце РІКВ.

па матэрыялах сайта https://rikc.by